Hasiera · Cookieen politika

Cookieen politika

Zer gorde daitekeen zure gailuan rewind.eus-en sartzean, nork gordetzen duen eta zertarako. Gaur egun bi gauza dira, biak hirugarrenenak, eta bat ere ez da kargatzen zuk onartzen ez baduzu.

Azken eguneratzea: 2026ko irailaren 21a

1 · Zer erabiltzen duen webgune honek gaur egun

rewind.eus-ek ez du cookie propiorik instalatzen. Oraingoz ez du analitika tresnarik ez publizitate pixelik ere. Hori aldatzen bada, orri hau eta cookieen oharra ere aldatuko dira: goiko datak esaten du noiz berrikusi zen azkenekoz.

Baina legeak ez du cookieez bakarrik hitz egiten. LSSIren 22.2 artikulua zure gailuko «datuak biltegiratzeko eta berreskuratzeko edozein gailuri» aplikatzen zaio, eta berariaz sartzen ditu nabigatzailearen tokiko biltegiratzea eta hatz-marka digitalaren teknikak. Eta horretatik bai, bi gauza daude, biak hirugarrenenak.

2 · Zer gordetzen den zehazki

Zer	Nork	Zertarako	Zenbat irauten duen
`uw-uid`	UserWay Inc.	Gailuaren identifikatzailea, zure irisgarritasun ezarpenak ezagutzeko	Nabigatzailearen datuak ezabatu arte
`uw-tunings` `uw-tunings-checksum` `uw-icon-locales`	UserWay Inc.	Irisgarritasun menuan aukeratzen dituzun ezarpenak (kontrastea, testu tamaina, tartea) eta ikonoaren hizkuntza gordetzen dituzte	Nabigatzailearen datuak ezabatu arte
Hitzorduen egutegiak instalatzen duena	Google	Kontaktu orriko hitzorduen egutegia erakustea eta erreserba kudeatzea. Googlek bere cookie eta biltegiratze propioak instala ditzake bere domeinuan, eta Rewindek ez ditu kontrolatzen ez irakur ditzake	Googlek bere politikan ezartzen duena
`rw-cookies`	Rewind (webgune hau)	Cookieen oharrean hartzen duzun erabakia gogoratzea, orrialde bakoitzean berriz ez galdetzeko	24 hilabete

Lehen laurak eta azkena tokiko biltegiratzea dira, ez cookieak: zure nabigatzailean geratzen dira eta ez dira eskaera bakoitzean bidaltzen. Hala ere, UserWayrenak 22.2 artikuluaren barruan sartzen dira, eta horregatik deklaratzen dira hemen eta bannerraren bidez eskatzen. Azkenak, rw-cookies-ek, ez du baimenik behar: zure erantzuna gordetzea da, hain zuzen, hura errespetatzeko modua.

Kargatzean, irisgarritasun widgeta cdn.userway.org eta api.userway.org helbideekin konektatzen da, eta egutegia calendar.google.com eta www.gstatic.com helbideekin. Konexio horiek zure IP helbidea iristarazten diete.

3 · Horietako ezer ez da kargatzen onartzen ez baduzu

Aurreko bi elementuetako bat ere ez da beharrezkoa webguneak funtziona dezan; beraz, bat ere ez da lehenetsita aktibatzen. Lehen aldiz sartzen zarenean ohar bat agertzen da, maila berean dauden bi botoirekin —Onartu eta Ukatu— eta hirugarren batekin banan-banan aukeratzeko. Aukeratzen ez duzun bitartean, ez da ezer gordetzen zure gailuan, zure erabakiaren erregistroa bera izan ezik.

Ukatzen baduzu, webgunea berdin ikusten eta nabigatzen da: irisgarritasunaren botoi flotagarria bakarrik desagertzen da, eta kontaktu orriko egutegiaren ordez esteka bat agertzen da, nahi duzunean fitxa berri batean irekitzeko. Posta elektronikoz idaztea edo telefonoz deitzea berdin-berdin funtzionatzen du.

4 · Nola aldatu iritzia

Zure erabakia berrikusi edo kendu dezakezu nahi duzunean, orri-oineko Cookie hobespenak estekatik: aukeraketa panela berriz irekitzen du. Nabigatzailearen konfiguraziotik ere ezaba ditzakezu biltegiratzea eta cookieak; Chrome, Firefox, Safari eta Edgeren laguntzan pausoz pauso azalduta dago.

AEPDren irizpideari jarraituz, hartzen duzun erabakia 24 hilabete igarota berriz galdetuko zaizu, lehenago aldatzen ez baduzu ere.

5 · Hirugarrenen politikak

UserWay — pribatutasun politika hemen: userway.org/privacy.
Google — pribatutasun politika hemen: policies.google.com/privacy, eta cookieen erabileraren xehetasuna hemen: policies.google.com/technologies/cookies.

Horretatik guztitik erator daitezkeen datu pertsonalen tratamendua pribatutasun politikan azaltzen da.